بغداد سكربت للحلول البرمجية - خدمة OTPإرسال SMS جماعي في العراق
رسائل نصية قصيرة داخل العراق على آسياسيل وزين وكورك، بواجهة API بسيطة وأسعار بالدينار العراقي. تشحن رصيد وترسل بطلب HTTP واحد، بدون عقود، بدون حد أدنى، وبدون رسوم شهرية. وتدفع على الرسالة اللي توصل فقط.
الأسعار حسب الشبكة
| الشبكة | سعر الرسالة | ألف رسالة |
|---|---|---|
| آسياسيل | 65 د.ع | 65,000 د.ع ≈ $49 |
| زين | 77 د.ع | 77,000 د.ع ≈ $58 |
| كورك | 77 د.ع | 77,000 د.ع ≈ $58 |
وين ينفع الـ SMS أكثر
- زبون بدون إنترنت: أكبر ميزة للـ SMS، يوصل على أي موبايل حتى لو قديم أو بدون باقة.
- احتياط عند فشل الواتساب: إذا رقم الزبون ما عليه واتساب، ترسلها SMS تلقائياً من برنامجك.
- تنبيهات مستعجلة: إشعار عملية أو تأكيد طلب يوصل بدون ما يفتح الزبون أي تطبيق.
- فئات عمرية ما تستخدم الواتساب: وهذي موجودة فعلاً بجزء من السوق العراقي.
شلون تربطها
نفس نقطة الإرسال اللي تستخدمها للواتساب: بس تغيّر القناة لـ sms. ما تحتاج تنصب أي مكتبة، وأي لغة تسوي طلب HTTP تشتغل. أمثلة PHP و Python و cURL كاملة بصفحة توثيق الـ API.
أسئلة شائعة عن الـ SMS
شنو الشبكات المدعومة؟
آسياسيل وزين وكورك داخل العراق. آسياسيل سعرها أقل لأن كلفتها علينا أقل.
شكد سعر رسالة الـ SMS؟
65 دينار على آسياسيل و77 دينار على زين وكورك. ما أكو رسوم تأسيس ولا حد أدنى للشحن.
أكدر أرسل خارج العراق؟
الـ SMS داخل العراق فقط. إذا تحتاج توصل لأرقام خارج العراق، استخدم الواتساب، يوصل لأي رقم عليه واتساب بأي دولة.
شنو الفرق بين الـ SMS والواتساب؟
الـ SMS يوصل حتى لو الزبون بدون إنترنت، وهذي أهم ميزة إله. بس الواتساب أرخص بكثير، 13 دينار مقابل ويوصل أسرع. أغلب الزبائن يستخدمون الواتساب أساس والـ SMS احتياط.
أكدر أرسل رسائل إعلانية مو بس رموز تحقق؟
الخدمة مبنية أساساً لرموز التحقق والرسائل المعاملاتية مثل تأكيد الطلب والتذكير بالموعد. راجعنا قبل أي حملة إعلانية حتى نتأكد إنها تمشي مع شروط الشبكات.
شلون أربطها ببرنامجي؟
طلب HTTP واحد لنقطة الإرسال مع مفتاح API. تختار القناة sms بدل whatsapp وباقي الشي نفسه. أمثلة جاهزة بصفحة التوثيق.
إذا ما وصلت الرسالة أدفع عليها؟
لا. إذا فشل الإرسال سعرها يرجع لرصيدك تلقائياً وتوصلك إشعار بالسبب.
ابدأ بحساب مجاني
سجّل وخذ 10 رسالة واتساب مجانية تجرب بيها الخدمة قبل ما تشحن أي مبلغ.
إنشاء حساب شوف كل الأسعار